SEMINAR PACHHUAPANOH AW

Târi noh 5, Khipa, 2013 liana khita Mara Students’ Organisation, General Headquarters : Siaha ta India nata Asia Nochhi râhzy sôhdaohna liata amâ zaokhi n’awpa , ‘Look East Policy’ chôchâh liata Marasawzy miahn aveipâ thei n’awpa dâh achuna, “Seminar on Look East Policy : Opportunities and challenges for Marala nd” a pachhuahpanoh aw. He daihti he akhopa maihta ahlao theipa a cha aw. Asu : MTP Hall, New Colony Siaha.

 

 

seminar

Posted in Uncategorized | Leave a comment

MSO EXECUTIVE MEETING HNEIPA ACHA

Zahnia tari noh 24.6.2013  zala dawh 3:00 pm pa liana khata MSO Executive Meeting Circuit House, Siaha liata hneipa a cha. He daihti liana heta MSO hmalana nata MSO General Hqrs sie lyma nawpa liata ryhraona reipahmaohpa a cha.

He Meeting liana heta he ary liata palasapa zy he pachiapa a cha ;-

1. MSO Kophuahpa ‘Achuna dopa’ hlao patlohsa nawpa nata achadai pazi na chata Motivation Campaign hnei awpata bie pathlupa a cha.

2. Siaha College chochah liata a chatlie viapa ta hmala pazi pa cha mawhsy.

3. MSO General Hqrs ta Library pha kawpa nata achuhaipazy chata ryu tlohpa paduapa a cha thei nawpa ta Art & Culture Minister,Mizoram adaohpa cha mawsy tahpa pathlupa a cha.

He daihti liana heta MSO liata Executive Member zy ama ki pha ngaita kaw. Zala pati doh khona hneipa pa  acha.

Posted in Uncategorized | 1 Comment

MSO HQRS SIAHA CHHITHATUHPAZY TA GOV’T SIAHA COLLEGE AMA TLY

Atanoh Tari no 21.06.2013 pa liana khata MSO Hqrs Siaha chhithatuhpazy cha ta, ama President Puhpa.FC.Khihnia zy chhaota Gov’t Siaha College ama tly. He daihti liana heta College Students nahzy chhaota apakyhna pha kawpa hneipa cha ta, he liana heta Students nahzy achuna chochah liata ama rairuna zy mokheipa a cha. MSO Hqrs Siaha zy chhaota Gov’t Siaha College hmasie nawpa kyh liata thapi phia pata keih chaka awhpa ama chhua zie ama reih.
Posted in Uncategorized | Leave a comment

BEINÔ HAOSÂ CHAKA PATA PY RAH EIMA NGIA

Târi no 18 (atanoh) kha MSO Hqrs, Siaha chhithatuhpa zypi cha LSA Gen.Hqrs Lytai zy hruana hawta âlâh ta LSA General Conference ahlao hra awhpata my dawh 7:00 am pa liana khata eima thao. MSO Hqrs Siaha tawhta Lytai la akei hlaopazy pi he : 1.J.Kholai Vice President, 2. LD.Beihruasa Finance Secretary. 3. Tracy Hlychho Treasurer 4. Abie Notlia Ex-Member nata 5. Beikhochhi zy ama cha.

LÂPI CHO VÀTA EIMA HAWH : LSA Gen.Conference he my daw 11:00 am pa liata athaopa chà ta, anodeikua eima chhuana hawta a daihti ta liata tlô thei khao mapi. Apei eima tah ngâsâ. Anodeikua, daihti deikua eima và ô hmâ hra.

INSUIHKHAWM ZAI IREL ANG U : Eima Vice President chhao biereina piepa a cha hra. MZP, MSU tawhta akhypa zy chhao ta biereina hnei chyu eita, ama biereipa liata ama reihlu chaipa cha ‘Zohnathlak te Insuihkhawm zai i rel ang u’ tahpa a cha. Keimo lâ tawhta eima reipa hrapa cha, Py nata Mara pa zy pi he disaopa ta eima y leinawpa ta eima identity, culture nata Reih zy he pabohsa awhpa ta achu haipazy hnota bie tana Vice President ta areih hra.

DRDA JCB ZAWZI TA ATLAHPA TA SIAHA EIMA TLÔ THEI! : LSA Prog eimà hmâ khai tawhta zàlâ dawh 2:00pm pa liata Lytai puasai pata Siaha lâ pangai pata kaw sie pita, keimo raohpa heta MZP Gen. Hqrs nahzy chhao Siaha là hmo peimawhpa tao awhpa ta kaw sie hra ei ta, apalà kawpata eima kaw sie lymà khiama eima tah nota Kaochao nata Zero likah liata leichopa vàta eima taw ha hei!!! Vàropi leichona su liata JCB (PWD Contractor) eima hâ tawhta charà ta JCB Operator avaw lâ theileipa vâta Kaochao liata DRDA JCB a y thlah hapa cha MSO Hqrs ta asaohia pata leichopa he pachaosapa cha ta, he su liata khitlyhpa motor 20 hlei atawpazy MSO Hqrs chhhithatuhpazy chô liata ama ly kaw. Apachaipa ta JCB mania apahmasatuhpa Puhpa.N.Chakhai PD,DRDA cho liata eima ly hmeiseiseih.

” FOR GOD AND MARALAND”

Posted in Uncategorized | Leave a comment

MSO HQRS TA MOKHEI AW

Târi noh 17th June, 2013 liana khita Mizoram pôpalôhpa liata SSA pachutuhpa nahzy cha Teacher Eligibility Test (TET) hneipa châ aw ta, cha liata kô 2010 August tawhta SSA Mission, Siaha (MADC) ry liata pachutuhpa raih angiapa nah zydua chhao TET he ahlao hra awpa ama châ. Chavâta, tahmâ no he ama Documents zy DPC Office, Siaha liata ama pangia haino châ ta, Pachutuhpa nahzy ta ama Documents ama pangiapa he mopasia awpa ta MSO General Headquarters ta biehneituhpa nah lâ ahawna tao ta. He ahawna ama taopa he pasaipa châ ta, chavâta, Pachutuhpa nahzy Documents he SSA Mission, Siaha (MADC) biehneituhpa nata MSO (H) nahzy ta mopasiana ama hnei aw.
Posted in Uncategorized | Leave a comment